В селе Архангельское начали строить часовню

 В селе Архангельское Юсьвинского района начали строить часовню. На территории бывшей ветлечебницы теперь будет стоять часовня, названная в честь Святителя Стефана Великопермского. Уже сейчас на часовне установлены купол и крест. Их освящение и поднятие состоялось в сентябре.

Ен дынö матöжык. Воздвижение Креста Господня православнöй праздник лунö Архангельск посадын лэбтiсö лоан часовня выло купол и крест.

Кытчöдз лöсьöтiсö места и лöсьöтчисö пондöтны молебен, отир сё кыссисö и локтiсö. Священнослужителлез ордчöн челядькöт и ыджыттэзкöт чулöтiсö молебен, татöн юрбитiсö и мичöтiсö крест.

Кыдз шуöны татiсь старожиллэз, места эта благодатнöй, а луныс лоис кыкпöвса дона и шуда.

Часовнясö этö шуасö Святитель Стефан Великопермскöй нимöн. Власово деревняын, кöда öтлаын Карпов деревнякöт пырис Архангельскö, советскöй годдэзö шойна ыб вылын часовня вöлi пыр. И öнi татöн, туйö шуны, торжествуйтiс историческöй справедливость. Вились югйöвтiс купол и лоис перна.

Отир веритöны, мый матын кадö асывся молебеннэз вились саймöтасö и ловзьöтасö татiсь местасö. А сiдзжö надейтчöны, что адззисясö нiя, киннэз округись святыняэзлöн одзланься зоралöмö пуктасö ассиныс пай.