Дороги, дороги…

В Юсьвинском районе ведется работа по ремонту дорог. Так на ремонт участка дороги Юсьва-Сивашор-Мелюхино протяженностью порядка тринадцати километров потрачено 280 миллионов рублей.

Не асфальтöн тэ вевттьöм, не волькыт… Юсьвинскöй муниципальнöй районын ремонтрируйтоны даскуим километр и кыксё сизимдас метра кузя туй. Пермскöй дорожнöй компания уджалö Юсьва-Сивашор-Мелюхино туйлöн участок вылын. Эта дорожнöй полотнолöн ремонт сьöртi местнöй администрация гижис муниципальнöй контракт, уджжез пондотчисö 2015 годлöн декабрь месяцö. Туйлöн ремонт выло видзисö ни кыксё кыкьямысдас миллион руб.

Юралiсь лыддьö, что уджжез мунöны неумöль темппезын. Реконструкция понда быдöс материаллэз босьтöмöсь. Умöль туй эта маршрут сьöртi вöлi пыр. Кöр Юсьва-Сивашор- Мелюхино участок вылын туй керасö, тысяча триста олiсь лоасö обеспечитöмöсь бур дорожнöй условиеэзöн. Но ежели йитны öтлаын быдöс Юсьвинскöй районiсь туйез, картина шогмö немедбур. Сiя, что туйезöн проблема татöн эм, юралiсь согласитчö.

Кыдз шуо Михаил Евсин, очередь локтас быдöнныс дынодз. Öнi татöн ремонтируйтöны не только туй, но и лöсьöтöны поссэз. Уджалiсь компания эта понда бöрйöм мöдiк. Дас мортiсь бригада керö гидроизоляция, нiя вöвдöны кыкпöвса асфальт.

Пос вылö мунiс нель миллион руб, чожа реконструкция лоас готов эксплуатация кежö. Но, а даскуим километра кузя туй лöсьöтчöны досповна ремонтируйтны 2017 годлöн декабрь месяц кежö. Таво Юсьвинскöй районын и Юсьваын планируйтiсö керны туйез и поссэз ыджыт объеммезын.