Поехали!

Поехали! Ровно 55 лет назад состоялся первый в истории полет человека в космос. В связи с этим событием в Кудымкаре в 1961 году улица Театральная была переименована в улицу Гагарина, а в 1977 году городской школе № 9 присвоено имя Ю.А.Гагарина.

 Ко дню космонавтики  в гимназии № 3 города Кудымкара открыли небольшую выставку поделок, выполненных руками самих детей. Также в учебном заведении прошли классные часы, посвященные этой знаменательной дате.

Космонавтикалӧн лунӧ таво быдӧнныс порйӧтӧны космосӧ медодзза петомлісь витдас витӧт год. Кудымкарись оліссезлӧ эм мый касьтывны и уськӧтны тӧдвылӧ.

Представитны эта событиелісь масштаббез ӧні сьӧкыт, сэк, кватьдас первӧй годӧ, быдӧнныс только и олісӧ космослӧн темаӧн, баитісӧ соотечественниклӧн легендарнӧй подвиг йылісь да мечтайтісӧ и веритісӧ вӧвлытӧм торрезӧ.

Уна материал öктöм космосӧ медодзза лэбзьӧм йылісь Коми-Пермяцкӧй окружнӧй архивын. Сы фонддэзын эмӧсь Гагарин йылісь статьяэз, сідзжӧ краевед Геннадий Конинлӧн личнӧй архивись иллюстрацияэз. Быдӧс нійӧ йитӧ ӧтік тема – космосӧ медодзза петӧм. Но, а народнöй депутаттэзлöн Кудымкарскӧй городскӧй Советлӧн исполкомись протоколын гижӧм, мый 1977 годся декабрь кыкдас кыкьямысӧт лунӧ карись ӧкмысӧт номера школалӧ сетӧм Советскӧй Союзісь герой Юрий Гагаринлӧн ним.

Ӧкмысӧт номера школаись кӧркӧся пионер-вожатӧйез касьтылӧны этнӧ луннэсӧ, кыдз историяись ыджыт событие. Эм мый уськӧтны тӧдвылӧ и кинӧн гордитчыны.

Ӧні нія, киннэз одзжык уджалісӧ да велӧтчисӧ Гагарин нима школаын, только жалейтӧны, что нем эз кольччы. И ыджыт желаннеӧн роднӧй гимназиялӧн стенаэз пытшкын лӧсьӧтӧны быдгодся апрельскӧй праздник, Космонавтикалісь лун. Юбилейнӧй событие кежӧ татӧн осьтісӧ выставка, быдӧс поделкаэсӧ и быдкодь космическӧй объекктэзсӧ керисӧ асьныс челядьыс. Шогмис быдса космическӧй пространство, быдӧс бытшӧм да увлекательнӧй.

Уроккез вылын велӧтчиссезкӧт баитоны сы йылісь, мыйӧн тӧдчана космонавтикалӧн лун таво, кыдз Юрий Гагарин лоис медодзза космонавтӧн и кытшӧм подвиг понда лоис ыджыт нима геройӧн.

Быд карын эм места, кӧда шуӧм медодзза комонавтлӧн нимӧн. Кудымкарын этӧ Гагарин нима улица. 1961 годӧ Театральнӧй улица вӧлі шуӧм Гагарин нимӧн. Улица вылын быдмис не ӧтік керку, олӧны не ӧтік дас олісь и нія гордитчӧны, что ны улицалӧ сетӧм сэтшӧм ним.

Юрий Гагарин лоис ылісь галактикалӧн да виль эпохалӧн, виль историялӧн символӧн, Советскӧй Союзлӧн геройӧн. Сійӧн быдос, мый йитӧм сы нимкӧт, татӧн донтӧны и гордитчӧны, касьтылӧны, что вӧлі сэтшӧм морт.