Ни дня без строчки

Всемирный день поэзии школьники Белоево отметили конкурсом  чтецов.  Читали учащиеся 5-9 классов произведения коми-пермяцких писателей. Участники конкурса были отмечены сертификатами, а победители – дипломами и подарками.

Белоевоын порйöтiсö поэзиялiсь лун. Коми-пермяцкöй кывбуррез лыддьöтіссезлöн вермасьöм чулаліс Белоевоын не первуись. Челядь понда библиотека часто чулöтлö быдкодь вермасьöммез да гора нима отиркöт пантасьöммез. Эта вермасьöм вöлі посвятитöм поэзиялöн международнöй лунлö. Вермасисö сыын челядь витöт-öкмысöт классэзісь.

Произведеннёэз, кöднö челядь бöрйисö лыддьöтöм понда, вöлісö быдкодьöсь, кыдз и нылöн авторрез. Горалісö кывбуррез вöрва, тулыс, отир да роднöй му йылісь. Жюри донтіс лыддьöтіссесö грамотнöй сёрни да артистизм сьöрті.

Вермасьöм мыччаліс, мый челядь радейтöны коми-пермяцкöй литература. Нія шуöны, мый лыддьöтны роднöй кыв вылын, кокнит да гажа, эд нія велöтöны сійö  школаын да сёрнитöны сы вылын гортын. И кывбуррез бöрйисö сэтшöмöсь, кöдна лоисö нылö сьöлöмви.

 Вермасьöм помын быдöс лыддьöтіссез вöлісö аттьöалöмöсь сертификаттэзöн, медбуррез ныись эз кольччö козиннэзтöг. А лыддьöтöм кывбуррез лоисö медбур козинöн поэзиялöн вежалун кежö.