За отсутствие тахографа - штраф

За отсутствие тахографа - штраф. Василий Истомин работает водителем школьного автобуса. Он возит детей на учебу в Юсьву с соседних деревень. Во время рабочей поездки сотрудники ГИБДД его оштрафовали на три тысячи рублей из-за того, что транспорт не был обеспечен тахографом. В ответ Василий Николаевич устроил забастовку и отказался садиться за руль.

Штраф понда забастовка. Василий Истомин öнöдз оз вермы лöньсьыны. Уджалö школьнöй автобус вылын водительöн. Новйöтö ордча деревняэзiсь челядьсö Юсьваись школаö. Не сэтшöм важын удж коста ГИБДД-iсь сотрудниккез сувтöтiсö сiйö да кышалiсö куим тысяча руба штраф сы понда, что автрбусын эз вöв сувтöтöм тахограф. Паныт эталö Василий Николаевич керис забастовка и откажитчис пуксьыны руль сайö. 

Тахограффез – сэтшöм специальнöй устройствоэз, кöдна видзöтöны автобуслiсь туй да контролируйтöны скорость. Школьнöй автобуссэз вылö нiйö долженöсь вöлiсö сувтöтны эшö 2013-öй годö. Эта понда ответ видзöны местнöй власттез. Кыдз шуö Василий Истомин, даскыкьямыс автобусiсь тахограффез вöлiсö сувтöтöмöсь дзик дасöтiк вылö. Кертöмыс понда мыжаэзöн лоисö водителлез. 

Кыдз шуöны местнöй чиновниккез, проблемаэз пондöтчисö сысянь, что властьлöн торья уровеннез öтамöдöс эз вежöртö. Нiя шыöтчылiсö краевöй министерствоö, кöда сетiс нылö ответ, что тахограффесö сувтöтны маршрутнöй автобуссэз вылö оз ков. Колö дзик нiя машинаэз вылö, кöдна новйöтöны челядьсö, например, кытшöмкö краевöй мероприятиеэз вылö. Öнi районын кошшöны сьöм сы понда, мед сувтöтны тахограффесö кольччöм сизим транспортнöй средство вылö.  

А вот мед дугдöтны забастовкасö да кыдз колö лöсьöтны уджалан процесс, ковсис адззыны проблемалiсь решеннесö школаись директорлö. Татьяна Суховерхова лöсьöтчö ас карманiсь вештыны уже кышалöм штрафсö и нiйö, кöдна эшö вермасö лоны. 

А Василий Истомин вились кутчисис удж бердö. Кыдз шуö ачыс, юралiссезлöн ошибкаэзсянь отирыс да челядьыс не долженöсь страдайтны.