Народный участковый - это звучит гордо

В число победителей первого этапа Всероссийского конкурса «Народный участковый 2015» вошел и участковый уполномоченный Валерий Бондюгов.

Перемын чулалiс быдгодся Всероссийскöй конкурс «Народный участковый 2015». Вермасьомлöн медодзза этап помассис. Лидеррез коласö шедiс и миян участковöй уполномоченнöй.

Юсьвинскöй районлöн территория торйöтöм дас административнöй участок вылö, населеннелöн лыдыс кайö даскыкьямыс тысяча сайöдз. И быд деревня, сылiсь олiссезöс и нельки культура тöдöны нiя, участковöй уполномоченнöйез, кöдна лунiсь лун песöны отирлiсь быдкодь шоггез, нельки олöны ны оланöн.

Валерий Бондюгов уджалö участковöйöн кыкöт год, но 2010-öй годсянь ни органнэзын и сылöн «Народный участковый» нима всероссийскöй конкурс выло коллегаэзöн петкöтöм кандидатура эз обсуждайтчы, быдöнныс кыдз öтiк, висьталiсö, мый достойнöй представитель.

Думайтны босьтöм победа йылiсь кад Валерий Бондюговлöн абу, шöр вниманне сiя медодз сетö уджлö, Доеговскöй, Бажинскöй и Крохалевскöй территорияэз вылын олiсь отирлö, эд ны понда сiя точно народнöй, аланыс участковöй. Баитас, тöдас шоггез и отсалас. Доегись олiссезлö нем мöдкодьыс оз и ков и некытшöм нареканнеэз кык год коста сы адресö эз вöлö висьталöмöсь. Быдкодь погоддяö, подöн Валерий Бондюков локтас отсöт вылö. Сэтшöммес, кыдз Бондюгов и долженöсь дорйыны народнöй участковöйлiсь ним.