Подведены итоги оперативно-служебной деятельности МО МВД России «Кудымкарский»

С докладом о состоянии оперативной обстановки на обслуживаемой территории выступил заместитель начальника Межмуниципального отдела МВД России «Кудымкарский» подполковник внутренней службы Алексей Федоров. Он отметил, что количество преступлений за отчетный период увеличилось на 9,6 %. Снижение преступных посягательств зафиксировано на территории Кудымкарского муниципального района.

Полиция керис джын год сьöртi итоггез. Россияись МВД-лöн «Кудымкарский» нима Межмуниципальнöй отделöн керöмöсь оперативно-служебнöй деятельность сьöртi итоггез. Территория вылын оперативнöй обстановка йылiсь докладöн выступитiс Россияись МВД-лöн «Кудымкарский» нима Межмуниципальнöй отделöн юралiсьöс вежись внутренньöй службалöн подполковник Алексей Федоров. Сiя пасйис, что тавося джын год коста преступленнёэзлöн лыд содiс дас гöгöр процент вылö. Кудымкарскöй муниципальнöй районлöн территория вылын пасйöм преступленнёэзлöн лыд чинö́м. Преступленнёэз осьтöмлöн юкыс Кудымкар да Кудымкарскöй районлöн территорияэз вылын петiс кыкьямысдас гöгöр процент, а Юсьвинскöй районлöн территория вылын – кыкьямысдас квать процентся унажык. Вит процент вылö етшажык лоисö имущественнöй преступленнёэз, чинiс лыдыс грабежжезлöн да мошенничествоэзлöн. Но кыкпöв содiс транспортнöй средствоэз гусялöм. Незаконнöя вöр кералöмыс таво лоис пасйöм нёльдас кыкьямыс процент вылö етшажык, нежели мöйму.

Куим муниципалитетлöн территорияэз вылын öкмыс процент вылö содiс общественнöй местаэзын керöм преступленнёэзлöн лыд. Нылöн быдмöм пасйöм Кудымкарскöй да Юсьвинскöй муниципальнöй районнэзын.

Сiдз жö отчетнöй период коста содiсö преступленнёэз, кöднö керисö несовершеннолетньöйез. Унажык вöлiсö таво и ДТП-эз.

Межмуниципальнöй отдел дырни Общественнöй советлöн уджлiсь результаттэз юöртiс öксьöммез одзын сылöн председатель Владимир Шипицын. Сiя висьтаслiс, мый таво гражданскöй обществолöн представителлез примитiсö активнöй участие быдöс нiя мероприятиеэзын, кöднö нуöтiс полициялöн территориальнöй отдел. Общественниккезöн вöлiсö чулöтöмöсь полициялöн отделлöн помещеннёэзын проверкаэз, видзöтöм, кытшöм условиеэзын керöмöсь изоляторын отирöс видзöм понда. Общественнöй советлöн членнэзлöн участие дырни вöлiсö аркмöтöмöсь Кудымкарскöй городскöй округлöн да Юсьвинскöй муниципальнöй районлöн территорияэз вылын добровольнöй народнöй дружинаэз. Öнi нiя отсалöны полициялö правопорядок видзöмын.

Совещаннёлöн участниккез пасйисö, что общественнöй контрольыс отсалö полициялö отиркöт уджын и сетö нылöн уджлö объективнöй дон.

Мероприятие помын службаэзöн веськöтлiссезлöн вниманнёныс вöлi акцентируйтöм уджлöн приоритетнöй направленнёэз вылö, правонарушеннёэзлöн профилактика сьöртi да правопорядок видзöм сьöртi мераэз вынсьöтöм вылö.