Бöрлань öтiк час вылö

Локтан шоччисян луннэзсянь Пермскöй край пондас овны виль кад сьöртi. Октябрь кыкдас кватьöт лунö часыэзлiсь стрелкаэз ковсяс бергöтны öтiк час вылö бöрлань.

Отирлöн здоровье кад вежöмсянь умöльжыкöн оз ло, лыддьö кар поликлиникаись терапевтическöй отделеннёöн веськöтлiсь.

Умольжык дзир нылö, киннэз уджалöны сёр кадöдз. А эшö велöтiссезлö да велöтчиссезлö. Нiя, киннэз локтöны школаö медодзза сменаö, лоас дзир буржык. Эд асывнас, кöр нiя пондасö петны гортсиныс, лоас югыт ни. А вот мöдiк сменаын велöтчиссезлö мунны школа бöрсянь гортö ковсяс пемытöн ни.

Быд вежсьöмлöн эмöсь аслас бур да умöль ладоррез. И быд морт видзöтö ны вылö ас моза. Юралiссез жö шуисо, мый кад вежсьöм сэсся оз ло, эта кад сьöртi öнi пондамö овны пыр. Сiдз кö отирлö колö дзир не вунöтны октябрьлöн кыкдас кватьöт лун йылiсь, сэк ойнас кык часö часыэзлiсь стрелкаэз пондас ковны вуджöтны час вылö бöрлань.