Чери кошшö, кытöн пыдынжык, а морт – кытöн буржык

Кем быть? Не все выпускники профессиональных учебных заведений спешат устроиться на работу по своей специальности. По полученной профессии трудоустраивается лишь 70 процентов выпускников. Другая проблема, что не все молодые специалисты могут найти работу самостоятельно. Они идут в ЦЗН, где получают новую профессию выражают готовность пройти переобучение.

Чери кошшö, кытöн пыдынжык, а морт – кытöн буржык. Том морт одзын, велöтчан заведеннё помалöм бöрын, сувтö ыджыт проблема, кытчö муны уджавны. Эшö кынымкö лун и быдöс велöтчан заведеннёэзын чулöтчасö выпускнöй рыттэз. Студенттэз босьтасö киэзö сiдз видзчисяна диплом. Кыдз мыччалö олан да и статистика сьöртi, öнi öддьöн коланаöсь торговляын да питаннёын специалисттэз. Эд год вылас оссьöны не öтiк магазин, кафе, торговöй центр. Этасянь, кыдз шуöны торговля да сервис сьöртi Кудымкарскöй техникумись велöтiссез, ны техникумлöн студенттэз работодателлез коласын пользуйтчöны ыджыт спросöн.

Öння кадöмукöд студентыс велöтчö дзир документ понда, а не сысянь медбы получитны колана профессия да сэсся мунны уджавны. Занятость сьöртi центрö быд год локтöны не öтiк том морт. Кыдз шуö Кудымкарскöй ЦЗНись директор Фаина Нешатаева, том йöз пуктöны работодатель одзö ыджыт требованнёэз, а сiя жö кошшö ас понда уджалiссесö высшöй образованнёöн да опытöн. Округын уна мый керсьö, медбы вайöтны уджö том специалисттэзöс. Эмöсь краевöй программаэз, кöдна сетöны и оланiн, и подъёмнöйез. Но петö сiдз, мый студенттэз старайтчöны получитны диплом и мунны уджавны мöдiк профессия сьöртi.