Кочёвскöй районын строитöм медбур ФАП

Кочёвскöй районын строитöм медбур ФАП. Кочёвскöй районiсь Октябрьскöй посёлокын кольöм годö строитiсö виль фельдшерско-акушерскöй пункт. Апрель нёльöт лунö чулöтчис сылöн осьтöм. Гöрд ленточка торжественнöя орöтiсö районлöн да центральнöй районнöй больницалöн юралiссез.Виль ФАП пондас обслуживайтны посёлокись кватьсёся (600-ся) унажык мортöс. Ны коласын сёсизимдас (170) – челядь и сёкыкдас (120) пенсионер. ФАПлöн доныс сувтiс – куим миллион куимсё нёльдас тысяча (3 млн 340 тысяч) руб. Сьöм муниципалитетлöн. Районас быдöссö ФАПпес кыкдас кыка (22) и дзир эта соответствуйтö öння кадся быдöс требованнёэзлö. Матiсь кадö быдöс должен вежсьыны буржык ладорö. Кыдз шуис районлöн юралiсь Алексей Пыстогов, таво ни пондöтасö строитны ФАП Пелымын, а сэсся эшö районлöн мöдiк ыджытжык посаддэзын. Сiдз 2020-öй годöдз пондасö строитны год вылас öтiк ФАПöн.

ФАП - всем ФАПам ФАП. В Кочевском районе открылся первый фельдшерско-акушерский пункт, который - из 22 ныне существующих - единственный соответствует всем стандартам подобных лечебных учреждений. Как отметила главный врач Кочёвской ЦРБ Нина Гончарик, новое медицинское учреждение рассчитано на 606 жителей поселка, из которых 174 – дети и 121 – пенсионер. Стоимость объекта – 3 миллиона 340 тысяч рублей. Построено здание на муниципальные деньги. По словам главы Кочевского района Алексея Пыстогова, работа по строительству подобных объектов в районе будет продолжена. Уже в этом году начнётся строительство ФАП в селе Пелым. В дальнейшем, до 2020 года, будет строиться по одному ФАПу в год в наиболее крупных населённых пунктах района.