Медбур уджалiсь олö Майкорын

Медбур уджалiсь олö  Майкорын. Тавося годыс Россияын пасйöм, кыдз культуралöн год. Быд муниципалитетын чулöтчöны мероприятиеэз, кöдна йитöмöсь эта датаöн . Юсьваын этö лунсö öлаöтісö профессиональнöй праздниккöт – культураись рабтниклöн лункöт. Март 25 лунö чулöтчис «Мастер праздника» нима конкурс.  Мунiс сiя клубнöй уджалiссез коласын. Быдöссö примитiсö участие нёль поселенческöй клуб. Конкурсанттэз бытшöма мыччалiсö асьнысö быд номинацияын и быдыс асмознас. Кин сьылiс, кин йöктiс, кин висьтасис кывбуррез. И некыдз эз позь висьтавны, мый номерыс керöм умöля. Конкурс помын вöлiсö керöмöсь итоггез. Медодзза места вöлi сетöм Майкорись участницалö, мöдiксö босьтiс Пожва и куимöт места янсöтiсö öтамöд коласын Антипинскöй да Бажинскöй клуббез. Но эстöн колö содтыны, мый кин лоö медбурöн висьтавны сьöкыт. Эд быд участникыс аслас делоын профессионал.

Самый лучший работник живет в Майкоре. 2014 год в Росси признан – годом культуры. Под этой эгидой в Коми округе проводится ряд мероприятий. Некоторые из них были приурочены профессиональному празднику  работников  культуры. В селе Юсьва  25 марта прошел конкурс - «Мастер Праздника». Своими талантами мерялись клубные работники. Конкурсанты  танцевали, пели, ставили театрализованные представления. В итоге первое место жюри присудило сотруднице Майкорского дома культуры, второе  -  участнице из Пожвы, третье место поделили между конкурсантками из Антипино и Бажино.